டெல்லி : கர்நாடகா விரைவு ரயிலில் தீவிபத்து!
புதன், 3 டிசம்பர் 2008 (18:15 IST)
டெல்லி ரயில் நிலையத்தில் நிறுத்தி வைக்கப்பட்டிருந்த கர்நாடகா விரைவு ரயிலில் திடீர் தீ விபத்து ஏற்பட்டது. ரயிலுக்குள் பயணிகள் யாரும் இல்லாததால் உயிர்ச்சேதம் தவிர்க்கப்பட்டது.
கர்நாடக மாநிலத்தில் இருந்து டெல்லி வந்த கர்நாடக விரைவு ரயில் டெல்லி ரயில் நிலையத்தின் யார்டு பகுதியில் நிறுத்தி வைக்கப்பட்டிருந்தது. இந்த நிலையில் இந்த ரயிலின் 2 பெட்டிகளில் இன்று பிற்கல் 3.45 மணிக்கு திடீரென தீ பிடித்தது.
இதையடுத்து இது குறித்து தீயணைப்பு படையினருக்கு தகவல் தெரிவிக்கப்பட்டது. 7 தீயணைப்பு வண்டிகள் விரைந்து வந்த அவர்கள் சுமார் 15 நிமிடத்துக்குப் பிறகு தீயை முற்றிலுமாக அணைத்தனர். ரயிலுக்குள் யாரும் இல்லாததால் உயிர் சேதம் ஏற்படவில்லை.
இந்த கர்நாடகா விரைவு ரயில் மறுமார்க்கமாக மீண்டும் இன்று இரவு 9.15 மணிக்கு டெல்லியில் இருந்து புறப்பட்டு கர்நாடகாவுக்குச் செல்ல வேண்டும்.
இதைத்தொடர்ந்து, தீ விபத்து ஏற்பட்டது குறித்து ரயில்வே உயர் அதிகாரிகள் விசாரித்து வருகின்றனர்.
