டெல்லி மாநிலச் சட்டப் பேரவையில் மொத்தமுள்ள 70 இடங்களில் 69 இடங்களுக்கு மட்டும் இன்று தேர்தல் நடந்தது. மீதமுள்ள ஒரு தொகுதியான ராஜேந்திர நகரில் டிசம்பர் 13ஆம் தேதி தேர்தல் நடத்தப்படும் எனத் தேர்தல் ஆணையம் அறிவித்துள்ளது.
இன்றைய தேர்தலில் பா.ஜ.க. முதல்வர் வேட்பாளர் வி.கே. மல்ஹோத்ரா உள்பட 863 வேட்பாளர்கள் களத்தில் உள்ளனர்.
கடந்த 10 ஆண்டுகளாக டெல்லி முதல்வராக பதவி வகித்து வரும் ஷீலா தீக்ஷித், இந்தத் தேர்தலிலும் காங்கிரஸ் வெற்றிபெற்று ஆட்சியை தக்க வைத்துக் கொள்ளும் என நம்பிக்கை தெரிவித்துள்ளார்.
தேர்தலை முன்னிட்டுத் தலைநகர் முழுவதும் 52 ஆயிரம் காவல் துறையினர் பாதுகாப்பு பணியில் ஈடுபடுத்தப்பட்டுள்ளனர்.
