தங்கள் கருத்தைக் கூற இடதுசாரிகளுக்கு உரிமை உள்ளது என்பதை ஏற்றுக்கொண்ட அவர், "அணுசக்தி உடன்பாடு நிறைவேறும் என்று நான் நம்புகிறேன். நிறைவேறாவிடில் அது நமது நாட்டின் துரதிர்ஷ்டம்" என்றார்.
இதற்கிடையே, அணு உடன்பாட்டை நடைமுறைப்படுத்தினால், தங்களது ஆதரவை விலக்கிக் கொள்வது குறித்து இடதுசாரிகள் பரிசீலிப்பர் என்று மார்க்சிஸ்ட் கம்யூனிஸ்ட் கட்சியின் அரசியல் தலைமைக் குழு உறுப்பினர் சீதாராம் யச்சூரி மீண்டும் எச்சரித்துள்ளார்.
