நமது நாடு முழுவதும் 345 எல்லைப் பாதுகாப்புப் படை வீரர்கள் எய்ட்ஸ் நோயால் பாதிக்கப்பட்டு உள்ளதாக எல்லைப் பாதுகாப்புப் படை இன்ஸ்பெக்டர் ஜெனரல் பி.கே.மிஸ்ரா தெரிவித்தார்.
"எய்ட்ஸ் நோயை போலவே மலேரியாவினாலும் எல்லைப் பாதுகாப்புப் படை வீரர்கள் அதிகம் பாதிக்கப்படுகின்றனர். வடகிழக்கு மாநிலங்களில் மட்டும் கடந்த ஆண்டு 9,235 பேர் மலேரியாவினால் பாதிக்கப்பட்டனர்.
வடகிழக்கு மாநிலங்களில் திரிபுராவில்தான் வீரர்கள் அதிகமாக மலேரியாவினால் பாதிக்கப்படுகின்றனர். கடந்த ஆண்டு இங்கு 6,840 வீரர்களும், அஸ்ஸாம் மற்றும் மேகாலயாவில் 1,140 வீரர்களும், மிசோரமில் இருவரும் மலேரியாவினால் பாதிக்கப்பட்டனர்" என்றும் மிஸ்ரா தெரிவித்தார்.
