பயணிகளுக்கு தேவையான அனைத்து அதிநவீன வசதிகளும் இந்த விமான நிலையத்தில் செய்யப்பட்டுள்ளன. 24 மணி நேர மருத்துவ வசதி, குழந்தைகளை பராமரிப்பு வசதி, ஊனமுற்றோருக்கு ஏற்ற வகையிலான கழிப்பிடம் மற்றும் இருக்கை வசதிகள், 7 ஆயிரம் வாகனங்கள் கொள்ளளவு உள்ள `பார்க்கிங்' பகுதி என எல்லா வசதிகளும் சிறப்பாக உள்ளன.
பெங்களூரில் இருந்து விமான நிலையத்திற்கு வருவதற்கு ஏற்ற வகையில் பெங்களூர் பெருநகர போக்குவரத்து கழகம் சார்பில் அதிகமான எண்ணிக்கையில் பேருந்துகள் இயக்க ஏற்பாடுகள் செய்யப்பட்டுள்ளன.
இந்த பேருந்துகள் பெங்களூரில் உள்ள 9 வழித்தடங்களின் வழியாக 26 மையங்களுக்கு இயக்கப்பட உள்ளன. இதில் குளிர்சாதன வசதியுடைய பேருந்துகள் 15 நிமிடத்திற்கு ஒரு முறையும், குளிர்சாதன வசதியற்ற பேருந்துகள் காலை 8-11 மணி வரையும், மாலை 5-10 மணி வரையும் இயக்கப்படும்.
