படகு ஏரியின் நடுப்பகுதியில் வந்து கொண்டிருந்த போது பலத்த காற்று வீசியது. இதில் படகு ஏரியில் கவிழ்ந்தது. படகில் இருந்த அனைவரும் ஏரியில் மூழ்கினர். அவர்களது அலறல் சத்தம் கேட்டு அருகில் உள்ள கிராமங்களை சேர்ந்தவர்கள் சென்று 9 பேரை மட்டும் உயிருடன் மீட்டுள்ளனர் என்று காவல்துறையினர் தெரிவித்துள்ளனர்.
மீதமுள்ள 19 பேர் நீரில் மூழ்கி இறந்திருக்கலாம் என்று அஞ்சப்படுகிறது. இதுவரை 11 பேரின் உடல்கள் மீட்கப்பட்டுள்ளன. இறந்தவர்களில் அதிகம்பேர் பெண்கள், குழந்தைகள். காணாமல் போன உடல்களை மீட்கும் பணி தீவிரமாக நடந்து வருகிறது.
