இந்திய - அமெரிக்க அணுசக்தி ஒத்துழைப்பு தொடர்பான 123 ஒப்பந்தம் மீது பேச்சுகளை முடித்து அதன் மே மாதத்திற்குள் அமெரிக்கக் காங்கிரசிற்கு இந்தியா அனுப்பினால்தான், ஜூலை மாதத்திற்குள் ஒப்பந்தத்தை நடைமுறைப்படுத்த முடியும் என்றும், தவறினால் அடுத்து வரக்கூடிய அமெரிக்க அரசு எல்லா விதிகளையும் மீண்டும் பரிசீலிக்கக் கூடிய கட்டாயம் உள்ளதெனவும் அமெரிக்கா கூறியுள்ளது.
இது குறித்துப் புது டெல்லியில் இன்று செய்தியாளர்களைச் சந்தித்த அமெரிக்க காங்கிரசின் அயலுறவுக் குழுத் தலைவர் ஜோசப் ஆர் பைடன் (ஜனநாயகக் கட்சி), காங்கிரஸ் உறுப்பினர்கள் சுச் ஹெகல்(குடியரசுக் கட்சி), ஜான் கெர்ரி (ஜனநாயகக் கட்சி) ஆகியோர் கூறுகையில், அணுசக்தி ஒப்பந்தத்தை நடைமுறைப்படுத்த இந்திய அரசு மேற்கொண்டு வரும் நடவடிக்கைகள் அடுத்த சில வாரங்களில் முடிவடைய வேண்டிய கட்டாயத்தில் உள்ளதாகவும், ஜூலை மாதத்திற்குள் அணுசக்தி ஒப்பந்தம் கையெழுத்தாகவில்லை என்றால், அடுத்து வரக்கூடிய அமெரிக்க அரசு கட்டுப்பாடுகளையும் விதிகளையும் மீண்டும் பரிசீலிக்க நேரிடும் என்றும் கூறினர்.
