அந்த ஊடக அட்டையின் இருபுறமும், "Information and Broadcasting Ministry, Government of India, and Press Information Bureau, Licensing Branch, Kolkata" என்ற வாசகங்கள் அச்சிடப்பட்டிருந்தன. அந்த அட்டை வாழ்நாள் முழுவதும் செல்லும் என்றும் குறிப்பிடப்பட்டு இருந்தது.
மேலும், அரசின் ஊடக தகவல் மையத்தைத் (Press Information Bureau) தவிர வேறு யாருக்கும் ஊடக அடையாள அட்டைகளை வழங்கும் அதிகாரம் இல்லை என்றும், PIBக்கு உரிமம் பெற்ற கிளைகள் இல்லை என்றும் PIB செய்தித் தொடர்பாளர் தெரிவித்தார்.
PIB அங்கீகரித்த செய்தியாளர்களைத் தவிர வேறு யாருடைய அடையாள அட்டையிலும் PIB அல்லது தகவல் ஒளிபரப்புத் துறை அமைச்சகத்தின் பெயர் இருக்காது என்று மேற்கு வங்க மாநில ஊடக அடையாள அட்டை அங்கீகாரக் குழு உறுப்பினர் ஒருவர் தெரிவித்தார்.
இதற்கும் மேலாக, செய்தியாளர் என்பவர் செய்தித்துறையில் 3 ஆண்டுகள் அனுபவத்துடன் அங்கீகரிக்கப்பட்ட இதழ்கள், தொலைக்காட்சி, வானொலி ஆகிய நிறுவனங்களின் வழியாக விண்ணப்பித்தால் மட்டுமே அரசு ஊடக அடையாள அட்டையை வழங்கும்.
