துபாயில் ஒரே குடும்பத்தைச் சேர்ந்த 3 இந்தியர்கள் மர்மச் சாவு!
வெள்ளி, 19 செப்டம்பர் 2008 (15:58 IST)
துபாயில் குடும்பத்துடன் வசித்து வந்த கேரள மாநிலம் கோழிக்கோட்டைச் சேர்ந்த வாலிபர், அவரது மனைவி, குழந்தை ஆகிய 3 பேரும் மர்மமான முறையில் மரணம் அடைந்துள்ளனர்.
கேரள மாநிலம் கோழிக்கோட்டைச் சேர்ந்தவர் கிரீஸ் குமார் (35). இவர் துபாயில் உள்ள கப்பல் கட்டும் நிறுவனம் ஒன்றில் மெக்கானிக்காக பணிபுரிந்து வந்தார். இவரது மனைவி பெயர் ஷாபிகா (27). இவர்களது குழந்தையின் பெயர் கவுரி நந்தா (2). கிரீஸ் குமார் தனது மனைவி, குழந்தையுடன் துபாயில் வசித்து வந்தார்.
இந்த நிலையில், இவர்களது 3 பேரின் சடலங்களும் அங்குள்ள நீர் நிலை ஒன்றில் பிணமாக மிதந்த நிலையில் கண்டெடுக்கப்பட்டது. இதில், ஷாபிகாவின் உடலும், கவுரியின் உடலும் சேர்த்துக் கட்டப்பட்டிருந்த நிலையில் இருந்ததாகவும், ஷாபிகாவின் உடலில் தீக்காயங்கள் இருந்ததாகவும் கூறப்படுகிறது.
