நேபாளத்தின் ஜஜக்காட் மாவட்டத்தில் தொடர் மழையால் ஏற்பட்ட நிலச்சரிவில் சிக்கி 9 பேர் உயிரிழந்துள்ளனர். இதில் 6 பேர் ஒரே குடும்பத்தைச் சேர்ந்தவர்கள் எனத் தெரிவிக்கப்பட்டு உள்ளது.
ஜஜக்காட் மாவட்டத்தில் கடந்த சில நாட்களாக தொடர் மழை பெய்து வரும் நிலையில், கலங்கா கிராமத்தில் இன்று நிலச்சரிவு ஏற்பட்டது. இதில் பல வீடுகள் மண்ணில் புதைந்ததில் ஒரே குடும்பத்தைச் சேர்ந்த 6 பேர் உட்பட மொத்தம் 9 பேர் உயிரிழந்துள்ளதாக அந்த மாவட்ட அதிகாரிகள் தெரிவித்துள்ளனர்.
தற்போது வரை 6 உடல்கள் மீட்கப்பட்டுள்ளதாகவும், மீதமுள்ள 3 உடல்களைத் தேடும் பணி முடுக்கிவிடப்பட்டு உள்ளதாகவும் கூறப்பட்டுள்ளது.
