சுற்றுச்சூழல் ரீதியான நிலையான வளர்ச்சிக்கு மிக அவசரமாக நிதி தேவைப்படுகிறது. இதனால், வறுமை ஒழிப்புக்கும், திட்டமிட்ட வளர்ச்சிக்கும் முக்கியத்துவம் தரும் அதேவேளையில், சுற்றுச் சூழலுக்கும் உலக வங்கி முக்கியத்துவம் தர வேண்டும். வறுமை ஒழிப்புடன் பருவநிலை மாற்றத்தில் ஏற்பட்டுள்ள பாதிப்பைச் சரிசெய்யும் திட்டங்களுக்கும் நிதி ஒதுக்கும் வகையில் ஒருங்கிணைந்த திட்டங்கள் தேவைப்படுகின்றன." என்றார் பிரெளன்.
பிரிட்டன் பிரதமர் கார்டன் பிரெளனுக்கு டெல்லி பல்கலைக்கழகம் இன்று கவுரவ டாக்டர் பட்டம் வழங்குகிறது. பின்னர் இந்தியா - பிரிட்டன் நாட்டு தலைவர்களுக்கு இடையேயான 4-வது வருடாந்திர ஆலோசனைக் கூட்டத்தில் அவர் பங்கேற்கிறார்.
இக்கூட்டத்தில், பருவநிலை மாற்றம், பயங்கரவாத எதிர்ப்பு உள்ளிட்ட சர்வதேச விவகாரங்கள் குறித்தும், உயர்கல்வி, அறிவியல், தொழில்நுட்பம், உள்ளிட்ட பல்வேறு துறைகளில் இருதரப்பு உறவு குறித்தும் ஆலோசிக்கப்படுகிறது.
இதையடுத்து, இரு நாடுகளுக்கிடையே பொருளாதாரம், தொழிற்துறை சார்ந்த புரிந்துணர்வு ஒப்பந்தங்கள் கையெழுத்தாகவுள்ளன.
மேலும், குடியரசு தலைவர் பிரதிபா பாட்டீல், பிரதமர் மன்மோகன் சிங், அயலுறவு அமைச்சர் பிரணாப் முகர்ஜி, எதிர்க் கட்சித் தலைவர் அத்வானி உள்ளிட்ட தலைவர்களை, பிரெளன் சந்தித்துப் பேசவுள்ளார்.
