கொழும்பின் மேற்குப் பகுதியில் உள்ள பம்பலப்பட்டி, கொள்ளுப்பிட்டி, வெள்ளவத்தைப் பகுதிகளில் மட்டும் 400-க்கும் மேற்பட்ட தமிழர்கள் கைது செய்யப்பட்டனர்.
கொழும்பு நகருக்கு வெளியே வத்தளை, கெந்தளை, மாபொல, தெகிவளை, கல்கிசை, மட்டக்குளி, முகத்துவாரம், அளுத்மாவத்தை, கொட்டாஞ்சேனை, கொச்சிக்கடை, கோட்டை, புறக்கோட்டைப் பகுதிகளிலும் பலத்த தேடுதல்களும், சோதனைகளும் நடத்தப்பட்டன.
பாதுகாப்பு அமைச்சகத்தின் சிறப்பு உத்தரவின் பேரிலேயே இந்தச் சோதனைகளும் கைதுகளும் நடப்பதாக ராணுவத்தினர் தெரிவித்தனர். நேற்று மட்டும் 3,000 க்கும் மேற்பட்டோர் கைது செய்யப்பட்டிருப்பதாக தகவல்கள் தெரிவித்தனர்.
