இந்த ரெட்மி கே20 மாடல் சமீபத்தில் வேறு சில நாடுகளில் விற்பனைக்கு வந்து சக்கைப்போடு போட்டுள்ளது. இந்தியாவிலும் மற்ற ஸ்மார்ட்போன்களின் விற்பனையை இது பின்னுக்கு தள்ளிவிடும் என எதிர்பார்க்கப்படுகிறது. புதிதாக மற்ற நிறுவனங்களும் மொபைல்களை அறிமுகப்படுத்த இருக்கும் நிலையில் இந்த போனை இளைஞர்கள் விரும்புவது ஏன்?
6.5 இன்ச் ஃபுல் ஹெச்டி AMOLED டிஸ்ப்ளே , 8 ஜி.பி ரேம் உடன் கேம் டர்போ 2.0வும் இணைக்கப்பட்டுள்ளது. புகைப்படங்கள் எடுக்க 48 எம்.பி முதன்மை கேமராவும், 8 எம்.பி மற்றும் 13 எம்.பியில் இரண்டு கேமராவும் என மொத்தம் மூன்று கேமராக்கள் உள்ளன. இதன்மூலம் படங்களை துல்லியமாகவும், நல்ல குவாலிட்டியிலும் எடுக்க முடியும். இருட்டிலும் தெளிவான படங்களை எடுக்க முடியும்.
6 ஜி.பி ரேம் (128 ஜி.பி போன் மெமரி) கொண்ட மாடல் 27,999 ரூபாயும், 8 ஜி.பி ரேம் (256 ஜி.பி போன் மெமரி) கொண்ட மாடல் 30,999 ரூபாயும் விலை நிர்ணயம் செய்யப்பட்டுள்ளது. இந்த மொபைல் ப்ளிப்கார்ட் மற்றும் Mi வலைதளங்களில் ஜூலை 22ம் தேதி விற்பனைக்கு வர இருக்கிறது.
