கற்றாழை முடி உதிர்தலை தடுப்பதோடு மட்டுமல்லாமல் முடிக்கு அழகையும் ஆரோக்கியத்தையும் தந்து முடியை பாதுகாக்கிறது. சோற்றுக் கற்றாழையில் வைட்டமின் ஏ, சி, இ மற்றும் அனைத்து விதமான தாதுக்களும் இருக்கிறது. சருமத்திற்கும், முடி வளர்ச்சிக்கும் இது நல்லது.
இந்த ஜூஸை தொடர்ந்து பத்து நாட்கள் பருகி விட்டு பின்னர் 10 நாட்கள் இடைவெளி விட்டு மறுபடியும் 10 நாட்கள் தொடர்ந்து பருகலாம். சோற்று கற்றாழை ஜூஸ் செய்ய தேவையான பொருட்கள்: சோற்றுக் கற்றாழை ஜெல் - 2 டீஸ்பூன், தேன் - 1 ஸ்பூன், தண்ணீர் - தேவையான அளவு.
செய்முறை: சோற்றுக் கற்றாழை தோலை முழுவதுமாக நீக்கி அதில் உள்ள ஜெல்லை எடுத்து நன்றாக கழுவி சுத்தம் செய்து கொள்ளவும். சுத்தம் செய்த சோற்றுக் கற்றாழை ஜெல்லை மிக்சியில் போட்ட அதனுடன் தேவையான அளவு தண்ணீர் ஊற்றி விழுதாக அரைத்துக் கொள்ளவும். அரைத்த ஜூஸில் தேன் கலந்து சாப்பிடவும். சூப்பரான சோற்றுக் கற்றாழை ஜூஸ் தயார்.
குறிப்பு: இதை கர்ப்பிணிகளும், பாலூட்டும் தாய்மார்களும், 6 வயதுக்குட்பட்ட குழந்தைகளும் சாப்பிடக் கூடாது.
