பில்லா 2-வுக்கு பிரச்சனை வந்துள்ள இந்த நேரத்தில்தானா இப்படியொரு விருது கிடைக்க வேண்டும்? வேறொன்றுமில்லை. வருடம்தோறும் திரையுலகைச் சார்ந்தவர்களுக்கு ஸ்டார் விஜய் தொலைக்காட்சி விருது வழங்கி வருகிறது. இந்த வருடம் சிறந்த வில்லன் நடிகருக்கான விருது அஜீத்துக்கு கிடைத்துள்ளது.
சிறந்த நடிகர், சிறந்த வில்லன் என இரண்டுக்குமே அஜீத்தின் பெயர் பரிந்துரைக்கப்பட்டிருந்தது. இதில் மங்காத்தா படத்துக்காக சிறந்த வில்லனாக தேர்வு செய்யப்பட்டிருக்கிறார். சிறந்த நடிகராக விக்ரமை தேர்வு செய்துள்ளனர். தெய்வத்திருமகளுக்காக இந்த விருது அவருக்கு கிடைத்துள்ளது.
சிறந்தப் படத்துக்கான விருதை எங்கேயும் எப்போதும் தட்டிச் சென்றுள்ளது. வில்லன் விருதுடன் அஜீத்தை அனுப்பினால் சரியாக இருக்காது என்று ஃபேவரைட் ஆக்டர் விருதுக்கும் அவரை தேர்வு செய்துள்ளனர்.