வெண்ணிலா கபடிக் குழு சுசீந்திரனின் அடுத்த படமான நான் மகான் அல்ல விரைவில் திரைக்கு வர இருக்கிறது.
கார்த்தி, காஜல் அகர்வால் நடிக்கும் இந்தப் படம், சூர்யாவைப் பின்னுக்குத் தள்ளி கார்த்தியை முன்னுக்குக் கொண்டு வரும் என்கிற ரீதியில் பொளந்து கட்டுகிறார் இயக்குநர்.
படம் ரீலிஸாவதற்கு முன்பே, இரண்டாவது படம் பண்றவங்க கொஞ்சம் அப்படி இப்படித் தடுமாறுவாங்க. நான் அப்படித் தடுமாறலை. இது அக்மார்க் வெற்றிப்படம் என்கிற ரீதியில் ஃபிலிம் இல்லாமலே ரீல் ஓட்டுகிறார் இயக்குநர்.
அவரது நம்பிக்கை எத்தனை தூரம் சரியென்று இன்னும் கொஞ்ச நாட்களில் ரசிகர்கள் சொல்லத்தானே போகிறார்கள், பார்க்கலாம் தலைக்கனமா தன்னம்பிக்கையா என்று.
