அச்சு அசலாக இளவயது விஜயகாந்த் போலவே இருக்கிறார் ராஜசிம்மன். கொஞ்சம் சதை போட்டால் விஜயகாந்துக்கு டூப் போடலாம். எப்படி இந்த உருவ ஒற்றுமை?
ராஜசிம்மன் விஜயகாந்தின் சகோதரர் மகனாம். கேப்டனை பின்பற்றி கலைச் சேவைக்கு வந்திருக்கிறார். உனக்கே உயிரானேன் படத்தில் கணேஷுடன் இன்னொரு ஹீரோவாக அறிமுகமாகிறார்.
கணேஷுக்கு ஜோடி கீர்த்தி சாவ்லா. படப்பிடிப்பு வேகமாக நடந்து வருகிறது. படத்தைப் பற்றி கொசுறு தகவல். 1999 என்ற பெயரில் ஆரம்பிக்கப்பட்ட படம்தான் உனக்கே உயிரானேன் என்று பெயர் மாறியிருக்கிறது.
சமீபத்தில் இதன் படப்பிடிப்பு பிரான்ஸில் நடைபெற்றது.
