மோசர் பேர் நிறுவனத்துக்காக மீரா கதிரவன் இயக்கும் படம் 'அவள் பெயர் தமிழரசி'. பிரபலமான நாக்க முக்க பாடலுக்கு இசையமைத்த விஜய் ஆண்டனிதான் இசை.
இப்படத்தில் நடிப்பதற்கு ஒப்பந்தம் செய்யப்பட்டவர் நடிகை மனோகா. இவர் முதலில் அறிமுகமான படம் 'இன்னொருவன்'. இப்படத்தின் நாயகன் ஆதித்யா.
இன்னொருவன் படம் ரிலீஸாகும் முன்பாகவே மூன்று படங்களில் ஒப்பந்தம் செய்யப்பட்டார். அப்படி ஒப்பந்தம் செய்யப்பட்டவர்கள் இப்போது வருத்தப்பட்டுக் கொண்டிருக்கின்றனர்.
காரணம் மனோகாவின் காதல் விவகாரம்தான். சொன்ன நேரத்திற்கு படப்பிடிப்புக்கு வராமல் தன் பணக்காரக் காதலனோடு ஊர் சுற்றுவதிலேயே காலம் கடத்துகிறார்.
இதனால் வெறுத்துப்போன 'இன்னொருவன்' இயக்குனர் நடிகர் சங்கத்தில் புகார் செய்துள்ளார். அதுமட்டுமல்லாமல், காதலன் ஷூட்டிங் ஸ்பாட்டுக்கு வரக்கூடாது என கண்டிஷனும் போட்டுள்ளார். இதற்கு மனோகா சம்மதித்தால்தான் அடுத்தகட்ட படப்பிடிப்பு என்றும் கூறியுள்ளார்.
