மரியா மனோகர், வளர்ந்து வரும் இளம் இசையமைப்பாளர். நாயகன் படத்துக்கு இவர் இசையமைத்த நிலா நிலா ஓடிவா பாடல் டி.வி. நேயர்களின் விருப்ப பாடலாகியிருக்கிறது.
நாயகன் பாடலை கேட்ட இசையமைப்பாளர் ஸ்ரீகாந்த் தேவா, மரியா மனோகரை மனம் திறந்து பாராட்டியிருக்கிறார். இயக்குனர்கள் சீமான், பூபதி பாண்டியன் இருவரும் பின்னணி இசையை சிலாகித்ததை பூரிப்புடன் சொல்கிறார்.
புதிதாக மெட்டு போடுவதே இவருக்கு பிடித்தமானது. ரீ-மிக்ஸ்? பிடிக்கவே பிடிக்காதாம். இயக்குனர்களும், தயாரிப்பாளர்களும் ரீ-மிக்ஸ் பீவரில் இருக்கும்போது இப்படி பிடிவாதம் பிடிக்கலாமா? ரொம்ப வேண்டி கேட்டால் போடவேண்டியதுதான் என்று நடைமுறை உணர்ந்து பிடிவாதத்தை தளர்த்துகிறார்.
குறைவான படங்கள் செய்தாலும் நிறைவாக செய்ய வேண்டும் என்பது இவரது பாலிசி.
