மோசர் பேர், டூயட் மூவிஸ் இணைந்து தயாரித்திருக்கும் படம் அபியும் நானும். மொழி ராதாமோகனின் படம் என்பதால் எதிர்பார்ப்பு க்ராப் உயரத்தில்.
அப்பா மகள் உறவை சொல்லும் படம் இது. அப்பாவாக பிரகாஷ் ராஜும் மகளாக த்ரிஷாவும் நடித்துள்ளனர். பிரகாஷ் ராஜின் மனைவியாக ஐஸ்வர்யா.
டூயட் மூவிஸ் லாபம் பார்த்த ஒரே படம் மொழி. இரண்டாவது படமாக அபியும் நானும் இருக்கும் என்பதால் படத்தை ஆவலுடன் எதிர்பார்க்கிறார் பிரகாஷ் ராஜ்.
கிளாமராக மட்டுமே நடித்துவரும் தனது நடிப்பு திறமையை முழுமையாக வெளிக்கொண்டு வந்திருக்கும் படம் இது என்கிறார் த்ரிஷா.
பலருக்கும் பல விதங்களில் முக்கியமான இப்படத்தின் இசை வெளியீட்டு விழா விரைவில் நடக்கிறது. இதற்காக முதல்வரிடம் தேதி கேட்டுள்ளனர். வித்யாசகர் இசை. முதல்வர் தேதி ஒதுக்கியதும் அதிகாரப்பூர்வ அறிவிப்பு வெளியாகும்.
