இந்த போட்டியில் ஆஸ்திரேலிய அணி டாஸ் வென்று முதலில் பந்து வீச்சை தேர்வு செய்தது. இதையடுத்து களமிறங்கிய நியுசிலாந்து அணி அதிரடியாக விளையாடி 200 ரன்கள் சேர்த்துள்ளது. அந்த அணியின் டிவொன் கான்வாய் அபாரமாக விளையாடி இறுதி வரை ஆட்டமிழக்காமல் 92 ரன்கள் சேர்த்தார். மற்றொரு தொடக்க ஆட்டக்காரரான பின் ஆலென் 16 பந்துகளில் 42 ரன்கள் சேர்த்தார்.
இதையடுத்து 201 ரன்கள் எடுத்தால் வெற்றி என்ற இலக்கோடு ஆஸி அணி தற்போது பேட்டிங்கை தொடங்கியது. ஆனால் பவர்ப்ளே முடிவதற்குள் அணியின் முதல் மூன்று பேட்ஸ்மேன்களை இழந்து தடுமாறி வருகிறது. அந்த அணியின் வார்னர் 5 ரன்களும், பின்ச் 13 ரன்களும், மார்ஷ் 16 ரன்களும் எடுத்து ஆட்டமிழந்துள்ளனர். தற்போது 7 ஓவர்கள் முடிவில் 3 விக்கெட்களை இழந்து 41 ரன்கள் மட்டுமே சேர்த்துள்ளது. மேக்ஸ்வெல் மற்றும் ஸ்டாய்னஸ் ஆகியோர் களத்தில் உள்ளனர்.
