மெக்சிகோவில் திடீரென பூமியில் 1 கி.மீ. தூரம் ஏற்பட்ட வெடிப்பு

மெக்சிகோவின் வட மேற்கில் ஹெர்மோசிலோ பகுதியில் பூமியில் 1 கி.மீ. தூரத்துக்கு 26 அடி ஆழத்தில் திடீரென மிகப் பெரிய வெடிப்பு ஏற்பட்டுள்ளது.

மெக்சிகோவின் வட மேற்கில் ஹெர்மோசிலோ பகுதியில் உள்ள ஒரு பண்ணை நிலத்தில் திடீரென வெடிப்பு ஏற்பட்டது. அது 26 அடி ஆழத்தில் சுமார் 1 கி.மீட்டர் தூரம் வரை வியாபித்து இருந்தது.

பண்ணை நிலத்தில் தொடங்கிய அந்த வெடிப்பு நெடுஞ்சாலையையும் பாதித்து கடற்கரை வரை இருந்தது. இந்த வெடிப்பு காரணமாக நெடுஞ்சாலையில் வாகன போக்குவரத்து நிறுத்தப்பட்டது.

பூமியில் திடீரென வெடிப்பு ஏற்பட்ட காரணம் குறித்து மண்வள நிபுணர்கள் ஆய்வு மேற்கொண்டுள்ளனர். இப்பகுதியில் சமீபத்தில் நிலநடுக்கம் ஏற்பட்டது. அதனால் வெடிப்பு ஏற்பட்டிருக்கலாம் என்று கருதப்படுகிறது.