பார்முலா 1 கார் பந்தயத்தில் வெர்ஸ்டப்பென் 364 புள்ளிகளுடன் சாம்பியன் ஷிப் வாய்ப்பில் முதலிடத்தில் இருக்கிறார்.
பார்முலா 1 கார் பந்தயம் 22 சுற்றுகளாக நடத்தப்படும் நிலையில், இதன் 14 சுற்று இத்தாலியின் கிராண்ட்பிரி, அங்குள்ள மோன்சா ஓடுதளத்தில் நடைபெற்றது.
336.72 கிமீட்டர் இலக்கை நோக்கி 10 அணிகளைச் சேர்ந்த வீரர்கள் காரை ஓட்டினர். இதில், நடப்பு சேம்பியனான நெதர்லாந்தைச் சேர்ந்த மேக்ஸ் வெர்ஸ்டப்பென் ( ரெட்புல் அணி) 1 மணி 13 நிமிடம் 41.143 வினாடிகளில் இலக்கை அடைந்து முதலிடம் பிடித்தார்.
வெர்ஸ்டப்பென் இந்த சீசனில் மட்டும் இந்த வெற்றியோடு சேர்ந்து 12 வெற்றி பெற்றுள்ளார். இதன் மூலம் ஒரு சீசனில் அதிக வெற்றி பெற்ற வீரர் என்ற சாதனை படைத்துள்ளார். இதற்கு முன்னதாக ஜெர்மனியைச் சேர்ந்த செபாஸ்டியன் வெட்டல் தொடர்ந்து 9 போட்டிககளில் வென்றது சாதனையாக இருந்த நிலையில், இதை முறியடித்துள்ளார் வெர்ஸ்டெப்பென்.
