ரோபோ சங்கர், தம்பி ராமையா, விவேக், யோகிபாபு என ஒரு பெரிய காமெடி நடிகர்களின் பட்டாளம் இருந்தும் காமெடியில் வறட்சி தெரிகிறது. வில்லன் ஜெகபதிபாபு வரும் காட்சிகளும், அவரது கேரக்டருக்கு கொடுக்கப்பட்டிருக்கும் முக்கியத்துவமும் குறைவு. அவர் நல்லவரா? கெட்டவரா? என்பதிலே சந்தேகம் வருகிறது.
இயக்குனர் சிவா ஆக்சன் படமா? ஃபேமிலி படமா? என்பதில் குழம்பியிருக்கின்றார் என்பது திரைக்கதையில் தெரிகிறது. அஜித்-நயன்தாரா பிரிவதற்கான காரணத்தில் வலுவில்லை. முதல் பாதியில் டாக்டராக இருந்த நயன்தாரா இரண்டாம் பாதியில் எப்படி தொழிலதிபர் ஆனார் என்று தெரியவில்லை. மேலும் வீரம், வேதாளம் ஆகிய முந்தைய படங்களின் பாதிப்பு அதிகம் இருப்பதால் ரசிக்க முடியவில்லை. டிரைலரில் பார்த்த மாஸ் காட்சிகள் தவிர படத்தில் வேறு மாஸ் காட்சிகள் இல்லாதது அஜித் ரசிகர்களுக்கு நிச்சயம் ஏமாற்றம்தான். ஏகப்பட்ட லாஜிக் ஓட்டைகள் இருந்தாலும் கடைசியில் ஒரு நல்ல மெசேஜ் உடன் படத்தை முடித்துள்ளது மட்டும் ஒரு ஆறுதல்.
