நடிகர் விக்ரம் சினிமாவிற்கு அறிமுகமாகி 10 ஆண்டுகளுக்குப் பிறகே சேது படத்தின் மூலம் அவருக்கு ஒரு பிரேக் கிடைத்தது. அதன் பின்னர் வரிசையாக ஹிட் படங்களில் நடித்து தமிழ் சினிமாவின் தவிர்க்க முடியாத நடிகர்களில் ஒருவராக மாறினார். இடைப்பட்ட காலத்தில் சரியான வாய்ப்புகள் கிடைக்காமல் டப்பிங் கலைஞர், துண்டு துக்கடா வேடம் என கிடைத்த வேலைகளை செய்து கொண்டு இருந்தார்.
இந்த காலகட்டத்தில் அவர் படும் கஷ்டங்களைப் பார்த்த அவரது மனைவி ஷைலஜா, விக்ரம் சினிமாத்துறையை விட்டு விலகவேண்டும் என பிராத்தனை செய்தததாக விக்ரம்மின் மகன் துருவ் தெரிவித்துள்ளார். ஆனால் சேது படத்தின் வெற்றி மற்றும் அங்கிகாரம் அவரின் மனதை மாற்றியது எனக் கூறியுள்ளார்.
