'பிரண்ட்ஸ்' என்ற தமிழ் படத்தில் அறிமுகமாக நடிகை விஜயலட்சுமி, சென்னை சாலி கிராமத்தில் குடும்பத்தோடு வசித்து வருகிறார். இவர் கடந்த சில ஆண்டுகளுக்கு முன்னர் நாம் தமிழர் கட்சி ஒருங்கிணைப்பாளர் சீமான் 3 ஆண்டுகளாக தன்னை காதலித்ததாகவும், திருமணம் செய்வதாக சொல்லி, நெருங்கி பழகியதாகவும், தற்போது தன்னை திருமணம் செய்ய மறுப்பதாகவும், புகார் அளித்து சட்டப்பூர்வ நடவடிக்கை எடுக்க வேண்டும் என கேட்டிருந்தார்.
இந்த சம்பவம் பெரும் பிரச்னையாக வெடித்தது. சீமான் மற்றும் நடிகை விஜயலட்சுமி இடையேயான பிரச்சினை நீண்ட காலமாக தொடர்ந்து வருகிறது. அந்த பிரச்சனை காரணமாக விஜயலட்சுமி தொடர்ந்து அடுக்கடுக்கான குற்றச்சாட்டுகளை இணையம் வாயிலாக வைத்து வருகிறார். இதனால் இணைய நாம் தமிழர் தம்பிகள் விஜயலட்சுமி மேல் கடுமையான விமர்சனங்களை வைத்து வருகின்றனர்.
