விஜய் நடிக்கும் லியோ படத்தின் ஷூட்டிங் சென்னையில் உள்ள பிரபல ஸ்டுடியோவில் நடந்து வருகிறது. மாஸ்டர் படத்துக்குப் பிறகு லோகேஷ் கனகராஜ் இயக்கத்தில் விஜய் நடிக்கும் படம் என்பதால் இந்த படத்தின் மேல் எக்கச்சக்கமாக எதிர்பார்ப்பு உள்ளது. இந்த படத்தில் சஞ்சய் தத், அர்ஜுன், மிஷ்கின், மன்சூர் அலிகான் ஆகியோர் வில்லன்களாக நடிக்கின்றனர். திரிஷா கதாநாயகியாக நடிக்க, அனிருத் இசையமைக்கிறார்.
விரைவில் படத்தின் ஆடியோ லான்ச் விழா நடக்கும் என எதிர்பார்க்கப்படுகிறது. இதற்கு இடையில் இந்த படத்தில் விஜய் ஒரு பாடலை பாடியுள்ளாராம். இந்த பாடல் பதிவை காலையில் முடித்த விஜய், மதியமே அதே பாடலின் ஷூட்டிங்கில் கலந்துகொண்டுள்ளாராம். பாடலை மிக விரைவாக பாடி முடித்துள்ளார் என்று சொல்லப்படுகிறது.
