கார்த்திக் சுப்பராஜும் விஜய் சேதுபதியும் சினிமாவுக்கு வருவதற்கு முன்பு குறும்பட காலத்தில் இருந்தே நண்பர்கள். அதனால் அவரின் எல்லா படத்திலும் ஏதாவது ஒரு வகையில் விஜய் சேதுபதி இருக்கும்படி பார்த்துக் கொள்வார். இந்நிலையில் கார்த்திக் சுப்பராஜ் தயாரிப்பு நிறுவனத்துக்கு ஒரு படத்தை நடித்துக் கொடுக்க சம்மதித்தார் விஜய் சேதுபதி. அந்த படத்தை இயக்க பொன்ராம் ஒப்பந்தமானார். இந்த படத்துக்கு சன் பிக்சர்ஸ் நிறுவனம் பைனான்ஸ் செய்வதாக இருந்தது.
ஆனால் இப்போது அந்த படத்தை சன் பிக்சர்ஸ் நிறுவனமே நேரடியாக தயாரிக்க உள்ளதாகவும், கார்த்திக் சுப்பராஜ் அந்த படத்தில் இருந்து வெளியேறி விட்டதாகவும் சொல்லப்படுகிறது. இதற்கான காரணம் என்ன என்பது இன்னும் வெளியாகவில்லை. இதனால் இப்போது விஜய் சேதுபதி தனது நண்பர் கார்த்திக் சுப்பராஜுக்காக மீண்டும் ஒரு படத்தை நடித்துக் கொடுக்க உள்ளாராம் . அனேகமாக இந்த படத்தைக் கார்த்திக் சுப்பராஜே இயக்கலாம் எனவும் சொல்லப்படுகிறது. இருவரும் தாங்கள் ஓப்புக்கொண்டுள்ள படத்தை முடித்துவிட்டு இந்த படத்தில் இணைவார்கள் என சொல்லப்படுகிறது.
