தமிழ் திரையுலகில் இசையமைப்பாளராக இருந்த விஜய் ஆண்டனி, கடந்த சில ஆண்டுகளாக ஹீரோவாக நடித்து வருகிறார் என்பதும், அவரது படங்கள் ரசிகர்கள் மத்தியில் நல்ல வரவேற்பைப் பெற்று வருவதையும் பார்த்து வருகிறோம்.
இந்த நிலையில், விஜய் ஆண்டனி நடிக்க இருக்கும் அடுத்த திரைப்படம் "ககன மார்கன்" எனும் டைட்டில் வைக்கப்பட்டு, புதிய போஸ்டர் ஒன்று வெளியிடப்பட்டுள்ளது. இந்த படம் தமிழ், தெலுங்கு, மலையாளம், கன்னடம், இந்தி என ஐந்து மொழிகளில் உருவாக இருப்பதாக அறிவிக்கப்பட்டுள்ளது.
லியோ ஜான் பால் இயக்கத்தில் உருவாகும் இந்த படத்தில் பணிபுரிய இருக்கும் தொழில்நுட்பக் கலைஞர்களின் பெயர்களும் போஸ்டரில் அறிவிக்கப்பட்டுள்ளது. இருப்பினும், படத்தில் நாயகி உள்பட மற்ற நட்சத்திரங்கள் குறித்த அறிவிப்பு இன்னும் வெளியாகவில்லை என்பது குறிப்பிடத்தக்கது.
