விடுதலை படத்தின் இரண்டாம் பாகத்தால் அதிருப்தியில் சூரி!

விடுதலை திரைப்படம் முதலில் ஒரு பாகமாக உருவாக்கப்பட்ட நிலையில் இப்போது அதை இரண்டு பாகங்களாக்கியுள்ளார் வெற்றிமாறன்.

கடந்த ஆண்டே தொடங்கப்பட்ட விடுதலை இந்த படத்தை முதலில் சிறு பட்ஜெட்டில் குறுகிய காலத்தில் எடுத்து முடிப்பதாகவே திட்டமிடப்பட்டது. ஆனால் படத்தில் விஜய் சேதுபதி இணைந்ததும் படத்தின் பட்ஜெட் அதிகமாகி ஏராளமான நட்சத்திரங்களை நடிக்க வைத்தனர்.

ஆனால் அனைவரும் பிஸியான நடிகர்களாக இருப்பதால், அவர்களின் தேதிகளைப் பெறுவதில் சிக்கல் எழுந்தது. இந்நிலையில் படம் இரண்டு பாகங்களாக ரிலீஸ் ஆகும் என அறிவிக்கப்பட்டுள்ளது.

இந்நிலையில் இரண்டாம் பாகத்தில் கதை முழுக்க முழுக்க விஜய் சேதுபதியின் வாத்தியார் கதாபாத்திரத்தை சுற்றிதான் நடக்கும்படி உருவாக்கியுள்ளாராம் வெற்றிமாறன். இந்த படத்துக்காக, பல படங்களை தவிர்த்த சூரி, இப்போது இதனால் அதிருப்தியில் உள்ளதாக சொல்லப்படுகிறது.