கபாலி ஒரு தோல்விப் படம் : வைரமுத்து பேச்சு (வீடியோ)

நடிகர் ரஜினிகாந்த் நடித்து வெளியாகியுள்ள திரைப்படமான கபாலி ஒரு தோல்விப்படம் என்று கவிஞர் வைரமுத்து பேசியுள்ள வீடியோ வைரலாக பரவி வருகிறது.

கபாலி திரைப்படம் வெளியான திரங்குகளில் அரங்கு நிறைந்த காட்சிகளாக ஓடிக் கொண்டிருக்கிறது. இந்திய திரையுலகில் எந்த திரைப்படத்திற்கும் கிடக்காத வரவேற்பு இந்த படத்திற்கு கிடைத்துள்ளது.

இந்தியா மட்டுமின்றி, மலேசியா, சிங்கப்பூர், ஆஸ்திரேலியா, அமெரிக்கா மற்றும் பல நாடுகளில் உள்ள ரஜினி ரசிகர்கள் இந்த படத்தை ஆவலுடன் பார்த்து வருகின்றனர்.

இந்த படத்தை பற்றி எதிர்மறையான விமர்சனங்கள் உலா வந்தாலும், வசூல்ரீதியாக இந்தப்படம் மிகப்பெரிய சாதனையை நிகழ்த்தி வருகிறது என்பதை யாரும் மறுக்க முடியாது. படம் வெளியாகி 3 நாட்களிலேயே இப்படம் ரூ.200 கோடிக்கும் மேல் வசூல் செய்துள்ளதாக கூறப்படுகிறது.

இந்நிலையில், கபாலி ஒரு தோல்விப் படம் என்று கவிஞர் வைரமுத்து பேசிய வீடியோ ஒன்று வெளியாகியிருக்கிறது. சமீபத்தில் நடைபெற்ற அரிமா சங்க கூட்டம் ஒன்றில்தான் அவர் இப்படி பேசியுள்ளார். 

வழக்கமாக ரஜினி படத்திற்கு பாட்டெழுதும் வைரமுத்து இந்த படத்தில் ஒரு பாட்டு கூட எழுதவில்லை. தனக்கு வாய்ப்பு கிடைக்காத காரணமாகத்தான் அவர் இப்படி பேசியுள்ளார் என்று சமூக வலைத்தளங்களில் நெட்டிசன்கள் கருத்து தெரிவித்து வருகின்றனர்.

அவர் பேசிய வீடியோ:

வயித்தெரிச்சல் வைரமுத்து pic.twitter.com/CM00U0QlyD

— கிரி பிரசன்னா® (@mpgiri) July 25, 2016