தனுஷின் வொண்டர்பார் பிலிம்ஸ், தயாரிப்பில் வெற்றிமாறனின் கனவுத் திரைப்படமான வட சென்னை நீண்ட எதிர்ப்பார்ப்பிற்குப் பின் ஆயுதபூஜை வெளியீடாக வெளிவர இருக்கிறது. இந்தப் படத்தில் அன்பு என்ற கேரக்டரில் வரும் தனுஷ் உலகச் சாம்பியன் ஆக நினைக்கும் நேசனல் லெவல் கேரம் ப்ளேயராக நடித்துள்ளார். மூன்று வெவ்வேறு காலகட்டங்களில் வடசென்னையை மையப்படுத்தி உருவாகி இருக்கும் இப்படத்தில் மிகப்பெரிய அரசியலும் இருக்கிறது.வட சென்னை மக்களின் நிலம் பறிக்கப்பட்டு, வாழ்வாதாரம் மறுக்கப்பட்டு நெருக்கடியில் தள்ளப்படும்போது அவர்கள் என்ன செய்கிறார்கள் என்பதுதான் கதை. இந்த படத்தில் ஐஸ்வர்யா ராஜேஷ், ஆண்ட்ரியா, சமுத்திரக்கனி, அமீர், டேனியல் பாலாஜி உள்ளிட்ட பலர் முக்கிய கதாபாத்திரத்தில் நடித்துள்ளனர். வேல்ராஜ் ஒளிப்பதிவு செய்துள்ள இப்படத்திற்கு சந்தோஷ் நாராயணன் இசையமைத்துள்ளார்.
