முன்னதாக பெரிய ஹீரோக்கள் இருவரின் படங்கள் ஒரே சமயத்தில் திரைக்கு வந்தால் எந்த படம் நன்றாக ஓடுகிறது என ரசிகர்களிடையே போட்டி ஏற்படும். ஆனால் தற்போது கொரோனா காரணமாக திரையரங்குகள் மூடப்பட்டுள்ளதால் பெரும்பாலான படங்கள் ஓடிடியில் வெளியாக தொடங்கியுள்ளன. இந்நிலையில் சூர்யாவின் சூரரை போற்று ஓடிடியில் வெளியாவதாக அறிவிக்கப்பட்டது அதிர்ச்சியை ஏற்படுத்தியது.
அதை தொடர்ந்து விஜய் சேதுபதி, ஐஸ்வர்யா ராஜேஷ் நடித்த “க\பெ ரணசிங்கம்” படம் நேரடியாக தொலைக்காட்சியில் ஒளிபரப்பாக உள்ளது. ZEE Plex சேனலில் அக்டோபர் 2ல் வெளியாகும் க\பெ ரணசிங்கம் அதை தொடர்ந்து சில நாட்களில் ஜீ5 ஓடிடி தளத்திலும் வெளியாக உள்ளதாக கூறப்படுகிறது.
சூர்யா மற்றும் விஜய் சேதுபதியின் படங்கள் இரண்டு நாட்கள் இடைவெளியில் அடுத்தடுத்து ஓடிடி மூலமாக வெளியாவது ரசிகர்களுக்கு டபுள் ட்ரீட்டாக இருந்தாலும், எந்த படம் பெரும் வெற்றியடையும் என்று எதிர்பார்ப்பும் எழுந்துள்ளதாக தெரிகிறது.
