சமீபத்தில் பாரத பிரதமர் நரேந்திர மோடியை ஜெர்மனி தலைநகர் பெர்லினில் பாலிவுட் நடிகை பிரியங்கா சோப்ரா சந்தித்தபோது முழங்கால் தெரியும் அளவுக்கு உடையணிந்ததும், பிரதமர் முன் கால்மேல் கால் போட்டு மரியாதை இல்லாமல் உட்கார்ந்திருந்ததும் பெரும் விமர்சனத்தை ஏற்படுத்தியிருந்தது.
இந்த நிலையில் பிரியங்காவுக்கு பாலிவுட் கவர்ச்சிக்கன்னி சன்னிலியோன் ஆதரவு தெரிவித்துள்ளார். பிரியங்காவின் உடை குறித்தும், அவர் கால் மேல் கால் போட்டு உட்கார்ந்தது குறித்தும் பிரதமரும் அவரது அதிகாரிகளுமே கண்டுகொள்ளாதபோது மற்றவர்களை அதை விமர்சனம் செய்வது தேவையற்றது என்று கூறிய சன்னிலியோன், ஒருவர் எப்படிப்பட்டவர் என்பதை அவர்கள் அணியும் உடையை வைத்து மதிப்பிடாமல் அவர்களது மனதை வைத்து மதிப்பிட வேண்டும்’’ என்று கூறியுள்ளார்.
