இந்த படத்தின் டைட்டில் மற்றும் முதல் லுக் போஸ்டர் ரிலீஸ் செய்யப்பட்ட போதே ரசிகர்களை வெகுவாகக் கவர்ந்தது. படத்தில் டாக்ஸிக் காதலராக மணிகண்டன் நடித்திருந்தார். தன்னுடைய கேரியர், காதல் வாழ்க்கை தொடர்பான தடுமாற்றங்களில் அவர் எவ்வளவு மோசமானவராக நடந்து கொள்கிறார், அதில் இருந்து எப்படி வெளிவருகிறார் என்பதை சொல்லி இருந்தது லவ்வர் திரைப்படம். இந்த படம் இளைஞர்களைப் பெரியளவில் கவர்ந்துள்ளது.
நல்ல வசூல் செய்துவரும் லவ்வர் படத்தை இயக்குனர் செல்வராகவன் பாராட்டியுள்ளார். அதில் “லவ்வர் படம் பார்த்தேன். எனக்கு படம் பிடித்திருந்தது. இந்த தலைமுறையின் காதலைக் காட்டியிருந்தார்கள். படம் ஆரம்பித்து சில நிமிடங்களுக்குப் பிறகு நான் படம் பார்க்கிறேன் என்பதையே மறந்துவிட்டேன். மணிகண்டன், ஸ்ரீகௌரி பிரியா மற்றும் இயக்குனர் பிரபுராம் ஆகியோருக்கு பாராட்டுகள்” எனக் கூறியுள்ளார்.
