தமிழ் சினிமாவில் மினிமம் கியாரண்டி நடிகராக இருந்த சசிகுமார் கடந்த சில வருடங்களாக தொடர்ந்து தோல்விப் படங்களாகக் கொடுத்துக் கொண்டிருந்தார். அதற்கு அவர் தேர்வு செய்த கதைகளே காரணம் என சொல்லப்பட்டது. இதனால் ஒரு கட்டத்தில் அவர் படங்கள் படுதோல்வி அடைந்த நிலையில் அயோத்தி என்ற படத்தின் மூலம் மீண்டும் நம்பிக்கைக் கொடுக்கும் நடிகராக மாறியுள்ளார்.
இந்த பட ப்ரமோஷன்களில் கலந்துகொண்டு பேசிவரும் அவர் “ரசிகர்கள் நாம் கொடுக்கும் சினிமாவை மட்டும்தான் பார்ப்பார்கள். அதை உருவாக்க நாம் படும் கஷ்டங்களை எல்லாம் அவர்களிடம் சொல்வதில் எந்த பயனும் இல்லை. என்ன செய்தாலும் படம் பிடித்தால்தான் அவர்கள் ஏற்றுக்கொள்வார்கள். நம்முடைய கஷ்டங்களை சினிமாவுக்குள் கொண்டு வரக் கூடாது” எனப் பேசியுள்ளார்.
