ஆர்யாவின் அடுத்த படத்தில் இணைந்த பிரபல ஹீரோ!

விஷ்ணு விஷால் நடிப்பு மற்றும் தயாரிப்பில் உருவான எஃப் ஐ ஆர் திரைப்படம் கடந்த ஆண்டு பிப்ரவரி 11 ஆம் தேதி ரிலீஸ் ஆகி, கலவையான விமர்சனங்களைப் பெற்றது. இந்த படம் உருவாகி மிக தாமதமாக ரிலீஸ் ஆனதால் பெரிய அளவில் கவனம் ஈர்க்கவில்லை என சொல்லப்படுகிறது.

இந்நிலையில் இந்த படத்தின் இயக்குனர் மனு ஆனந்த், தற்போது சர்தார் உள்ளிட்ட படங்களை தயாரித்த பிரின்ஸ் பிக்சர்ஸ் நிறுவனத்துக்காக ஒரு படத்தை இயக்க உள்ளார். அந்த படத்தில் கதாநாயகனாக ஆர்யா நடிக்க, இரண்டாவது கதாநாயகனாக கௌதம் கார்த்திக் நடிக்கிறார். இந்த படத்துக்கு Mr.X. என்று தலைப்பு வைக்கப்பட்டுள்ளது. படத்தின் முதல் லுக் போஸ்டர் வெளியாகி கவனத்தைக் குவித்துள்ளது.

இந்நிலையில் இந்த படத்தில் இப்போது பிரபல நடிகர் சரத்குமார் ஒரு பிரதான கதாபாத்திரத்தில் நடிக்க ஒப்பந்தம் ஆகியுள்ளார். இதை அவரே தன்னுடைய சமூக வலைதளப் பக்கத்தில் அறிவித்துள்ளார்.