ரஜினியுடன் இணைந்து கன்னட சூப்பர் ஸ்டார் சிவராஜ்குமார், மோகன்லால், ஜாக்கி ஷெராப் உள்ளிட்ட பல நட்சத்திரங்கள் நடித்துள்ள ஜெயிலர் படம் வரும் ஆகஸ்ட் 10 ஆம் தேதி ரிலீஸாகிறது.
இப்படத்தின் காவாலா, குஹூம், ஜுஜுபி ஆகிய 3 பாடல்கள் வெளியாகி வைரலான நிலையில், இன்று மாலை 6 மணிக்கு ஜெயிலர் படத்தின் டிரைலர் வெளியாகும் என்று சன்பிக்சர்ஸ் நிறுவனம் அதிகாரப்பூர்வமாக அறிவித்தது.
அதன்படி, சூப்பர் ஸ்டார் ரஜினிகாந்தின் டைகர் முத்துவேல் பாண்டியன் கேரக்டரின் அசத்தல் நடிப்பும் ஆக்சன் காட்சியும் ரசிகர்களைக் கவர்ந்துள்ளது. அதேசமயம் அனிருத்தின் இசையும், சுனில் மற்றும் விநாயகத்தின் வில்லத்தனமும் ரஜினி ரசிகர்களின் வரவேற்பை பெற்றுள்ளது,
