இந்தோனேஷியா மொழியில் ரீமேக் செய்யப்படும் முதல் தமிழ்ப்படம்!

இந்தோனேசிய மொழியில் ரீமேக் செய்யப்பட்ட முதல் தமிழ் திரைப்படம் என்ற பெருமையை பார்த்திபன் இயக்கிய ஒத்த செருப்பு என்ற திரைப்படம் பெற்றுள்ளது. 

பார்த்திபன் இயக்கி அவர் மட்டுமே நடித்த திரைப்படம் ஒத்த செருப்பு. இந்த படம் கடந்த 2019ஆம் ஆண்டு வெளி வந்தது என்பதும் ஆஸ்கர் விருதுக்கும் இந்தப்படம் தகுதி பெற்றது என்பதும் குறிப்பிடத்தக்கது. 

இந்த படத்தின் இந்தி ரீமேக் தற்போது படப்பிடிப்பு நடைபெற்று வருகிறது என்றும் பார்த்திபன் வேடத்தில் அபிஷேக் பச்சன் நடித்து வருகிறார் என்றும் செய்திகள் வெளியானது

 இந்த நிலையில் ஒத்த செருப்பு திரைப்படம் இந்தோனேசியாவில் உள்ள பஹாசா என்ற மொழியில் ரீமேக் செய்யப்படுகிறது. இது குறித்த தகவலை பார்த்திபன் தனது டுவிட்டரில் பெருமையுடன் தெரிவித்துள்ளார்.