ஹாலிவுட் இயக்குனர் கிறிஸ்டோபர் நோலன் இயக்கத்தில் சிலியன் மர்ஃபி, ராபர்ட் டௌனி ஜூனியர் உள்ளிட்ட பலர் நடித்துள்ள படம் ஓபென்ஹெய்மர். இரண்டாம் உலகப்போரின்போது ஜப்பான் மீது போடப்பட்ட அணுகுண்டுகளை கண்டுபிடிக்க காரணகர்த்தாவான விஞ்ஞானி அனுகுண்டின் தந்தை என அழைக்கப்படும் ராபர்ட் ஓப்பென்ஹெய்மர் மற்றும் அமெரிக்காவின் மன்ஹாட்டன் ப்ராஜெக்டை மையப்படுத்தி இந்த படம் உருவாகியுள்ளது.
ஜூலை 21 ஆம் தேதி ரிலீஸான இந்த திரைப்படம் இந்தியாவில் சில சர்ச்சைகளை எதிர்கொண்டது. படத்தில் ஒரு உடலுறவுக் காட்சியின் போது பகவத் கீதையின் “நான் உலகை அழிக்கும் மரணமாகிவிட்டேன்” எனும் வசனம் இடம்பெற்றது இந்தியாவில் பெரும் எதிர்ப்பை சந்தித்தது. இதையடுத்து அந்த படத்துக்கு தடை விதிக்கவேண்டும் என எதிர்ப்புகள் எழுந்தன.
