தனுஷ் தனது சொந்தத் தயாரிப்பு நிறுவனமான வுண்டர்பார் நிறுவனத்தின் மூலம் கடந்த சில ஆண்டுகளுக்கு முன்னர் படங்களைத் தயாரித்து வந்தார். மிகக்குறைந்த காலத்திலேயே இந்நிறுவனத்தின் மூலம் சுமார் 10க்கும் மேற்பட்ட படங்களைத் தயாரித்திருந்தார். இதில் ரஜினியின் காலா படமும் அடக்கம். அவர் கடைசியாக தயாரித்த காலா திரைப்படம் மிகப்பெரிய அளவில் அவருக்கு பொருளாதார ரீதியாக நஷ்டமாக அமைந்ததாக சொல்லப்படுகிறது.
இதனால் கடந்த சில வருடங்களாக வுண்டர்பார் நிறுவனம் இயங்கவே இல்லை. இந்நிலையில் இப்போது மீண்டும் வுண்டர்பார் பிலிம்ஸுக்கு தனுஷ் உயிர் கொடுக்க உள்ளார். இந்நிலையில் வுண்டர்பார் பிலிம்ஸ் நிறுவனத்தின் 15 ஆவது படமாக உருவாக உள்ள படத்தை இயக்குனர் மாரி செல்வராஜ் இயக்க உள்ளார். அதையடுத்து கேப்டன் மில்லர் படத்தின் இயக்குனர் அருண் மாதேஸ்வரன் இயக்கத்தில் ஒரு படத்தையும் வுண்டர்பார் பிலிம்ஸ் நிறுவனம் தயாரிக்க, அதில் தனுஷ் நடிக்க உள்ளார்.
