லோகேஷ் கனகராஜ் இயக்கத்தில் தளபதி விஜய் "மாஸ்டர்’ படத்தில் நடித்து வருகிறார். கல்லூரி பேராசிரியராக விஜய் நடித்துள்ள இப்படத்தில் அவருக்கு ஜோடியாக மாளவிகா மோகன் நடித்துள்ளார். மாணவராக சாந்தனு பாக்யராஜும் , வில்லனாக விஜய் சேதுபதியும் நடித்துள்ளனர்.
மேலும் ஆன்ட்ரியா, 96 புகழ் கௌரி கிஷன் உள்ளிட்ட சிலர் முக்கிய கதாபாத்திரத்தில் நடித்துள்ளனர். கடந்த சில மாதங்களுக்கு முன்னர் இப்படத்தின் முதல் மூன்று போஸ்டர்கள் அடுத்தடுத்து வெளியாகி நல்ல வரவேற்பை பெற்றது. அதையடுத்து மிகவும் எதிர்பார்க்கப்பட்டு வெளியான குட்டி கதை சிங்கிள் பாடல் தற்போது வரை 27 மில்லியன் பார்வையாளர்களை கடந்து சாதனை படைத்தது வருகிறார்.
இந்நிலையில் கேரளாவை சேர்ந்த துருவன் மற்றும் ஸ்கந்தா என்ற இரண்டு குட்டீஸ் சேர்ந்து தளபதியின் குட்டி ஸ்டோரி பாடலை செம்ம கியூட்டாக பாடியுள்ள பாடல் சமூக வலைத்தளங்களில் வைரலாகி வருகிறது. மழலை குரலில் அனைவரையும் ஈர்க்கும் இந்த பாடலை பாடலின் லிரிக் ரைட்டர் அருண்ராஜா காமராஜ் தனது ட்விட்டர் பக்கத்தில் " குட்டீஸ் வெர்ஸன் ஆப் குட்டி ஸ்டோரி" என கூறி ஷேர் செய்துள்ளார்.
