தெலுங்கில் வெளியான மனம் சூப்பர்ஹிட்டானது. நாகேஸ்வரராவ், அவரது மகன் நாகார்ஜுன், நாகார்ஜுனின் மகன் நாக சைதன்யா என மூன்று தலைமுறைகள் இணைந்து நடித்த இந்தப் படத்தை விக்ரம் கே.குமார் இயக்கியிருந்தார். படத்தை தமிழில் மொழிமாற்றம் செய்து வெளியிடுகின்றனர்.
இந்த மொழிமாற்றத்தில் நாகேஸ்வரராவுக்கு கமல்ஹாசன் டப்பிங் பேசினால் சிறப்பாக இருக்கும் என நாகார்ஜுனும் மற்றவர்களும் விரும்புகிறார்கள். கமல் எப்போதும் நாகேஸ்வரராவின் தீவிர ரசிகர். மனம் படத்தைப் பார்த்து மனம்விட்டு பாராட்டியிருந்தார். நாகேஸ்வரராவை சினிமாவில் பார்த்து மகிழ்ச்சி அளிப்பதாகவும் அவர் கூறியிருந்தார்.