மிகப்பெரிய எதிர்பார்ப்புகளுக்கு மத்தியில் வெளியான பீஸ்ட் திரைப்படம் நெகட்டிவ் விமர்சனங்களை சந்தித்து வருகிறது. படத்தின் மோசமான திரைக்கதை காரணமாக தங்கள் அதிருப்தியை வெளிப்படுத்தினர். நேற்றே சமூகவலைதளங்களில் மீம்களும் ட்ரோல்களும் உருவாகி பரவின. இந்நிலையில் இன்று கேஜிஎப் 2 ரிலீஸாகி மிகப்பெரிய பாராட்டுகளை ரசிகர்களிடம் பெற்று வருகின்றது. இந்நிலையில் இன்று பீஸ்ட் இரண்டாம் நாளில் நகர்ப்புற பகுதிகளை தவிர மற்ற புறநகர் பகுதிகளில் பெரிய வரவேற்பு இல்லை என சொல்லப்படுகிறது. இரண்டாம் நாளே திரையரங்குகள் காலியாக இருக்கும் புகைப்படங்களும் இணையத்தில் வெளியாகி வருகின்றன.
இந்நிலையில் தற்போது ரஜினிகாந்த் இந்த படத்தை சன் டிவி அலுவலகத்தில் பார்த்துள்ளதாக சொல்லப்படுகிறது. ரஜினியின் அடுத்த படத்தை நெல்சன் இயக்க உள்ள நிலையில் அதற்காக ரஜினி பார்த்திருக்கலாம் என சொல்லப்படுகிறது. வழக்கமாக படம் பார்த்தால் ரஜினி மனம் விட்டு அந்த படத்தின் கலைஞர்களைப் பாராட்டுவார். ஆனால் இந்த படம் பற்றி அவர் எதுவும் பெரிதாக சொல்லவில்லை என்று சொல்லப்படுகிறது.
