சமீபத்தில் இந்த படத்தின் ஆடியோ ரிலீஸ் நிகழ்ச்சி நடந்தது. பாடல்களும் வெளியாகியுள்ளன. படத்துக்கு அனிருத் இசையமைத்துள்ளார். படத்தின் சில பாடல்கள் கடுமையான விமர்சனங்களை சந்தித்துள்ளன. இந்த படத்துக்கான வியாபாரம் தொடங்கி நடைபெற்று வருகிறது. படத்தின் டிரைலர் நேற்று வெளியான நிலையில் இணையத்தில் கவனத்தை ஈர்த்துள்ளது. டிரைலரில் அதிக காட்சிகளில் கமல் இல்லை. அதனால் இந்த பாகத்தில் அவர் குறைவான நேரமே வருவாரோ என்ற சந்தேகம் எழுந்துள்ளது.
இந்நிலையில் டிரைலரில் ஜூலை வெளியீடு என்று மட்டுமே குறிப்பிடப்பட்டிருந்தது. அதே போல சில போஸ்டர்களிலும் ரிலீஸ் தேதி இல்லாமல்தான் வெளியானது. இதற்குக் காரணம் படம் சென்சார் செய்யப்படவில்லை என்பதுதான் காரணமாம். ஆனால் நேற்று இந்தியன் 2 படத்தின் தமிழ் வெர்ஷன் சென்சார் பணிகள் முடிந்துவிட்டதால் இனிமேல் ஜூலை 12 ரிலீஸ் தேதி என்று அறிவிக்கப்படும் என தெரிகிறது.
