நடிகை ஆர்த்தியின் ரகிட்ட ரகிட்ட நடனம்
தமிழ் சினிமாவில் கோவை சரளாவுக்குப் பிறகு நகைச்சுவை நடிகை இல்லை என்ற குறையை போக்கியவர் ஆர்த்தி. இவர் குழந்தை நட்சத்திரமாக சினிமாவில் நுழைந்து பிறகு தொலைக்காட்சி நிகழ்ச்சிகளை தொகுத்து வழங்கி பிரபலமடைந்து அதன் பிறகு வெள்ளித்திரையில் அறிமுகமாகி வடிவேலு, விவேக் போன்ற முன்னணி காமெடி நடிகர்களுடன் நடித்து கலக்கினார்.
இந்நிலையில் தற்போது கொரோனா ஊரடங்கு உத்தரவின் காரணமாக அனைவரும் வீட்டில் இருந்து வ்ருகின்றனர். பிரபலங்கள் 24 மணி நேரமும் சமூக வலைத்தளங்களில் நேரத்தை செலவிட்டு வருகின்றனர். அந்தவகையில் நடிகை ஆர்த்தி தனுஷின் ஜகமே தந்திரம் படத்தில் வரும் ரகிட்ட ரகிட்ட பாடலுக்கு கணவர் கணேஷுடன் சேர்ந்து குவாரியில் நடனமாடிய வீடியோவை யூடியூபில் வெளியிட்டுள்ளார். ஆர்த்தியின் செம கியூட்டான இந்த நடனம் இணையவாசிகளை வெகுவாக ஈர்த்துள்ளது.
