சமீபத்தில் அவர் வித்தியாசமான நடிப்பை வெளிப்படுத்திய ஆவேஷம் திரைப்படம் பிளாக்பஸ்டராகி 150 கோடி ரூபாய் அளவுக்கு வசூலித்தது. நேற்று ரிலீஸான புஷ்பா 2 திரைப்படம் மிகப்பெரிய அளவில் வசூல் செய்துள்ளது. தென்னிந்திய மொழிகளில் அறியப்படும் நடிகராக இருக்கும் ஃபஹத் அடுத்து ஒரு நேரடி இந்தி படத்தில் நடிக்கவுள்ளார்.
இந்த படத்தை அமர் சிங் சம்கிலா, ராக்ஸ்டார் மற்றும் ஹைவே உள்ளிட்ட படங்களை இயக்கிய பாலிவுட்டின் முன்னணி இயக்குனரான இம்தியாஸ் அலி இயக்குகிறார். இந்த படத்துக்கு ஏ அர் ரஹ்மான் இசையமைக்க, கதாநாயகியாக திரிப்தி டிம்ரி நடிக்க உள்ளார். இந்நிலையில் சமீபத்தில் இந்த படம் குறித்து பேசியுள்ள இம்தியாஸ் அலி இந்த படத்துக்கு ‘இடியட் ஆஃப் இஸ்தான்பூல்’ எனத் தலைப்பு வைக்கப்பட்டுள்ளதாக தெரிவித்துள்ளார்.
