இயக்குனர் அட்லிக்கு டாக்டர் பட்டம் வழங்க இருப்பதாக செய்திகள் வெளியாகி உள்ள நிலையில், திரைப்பட விமர்சகர் ப்ளூ சட்டை மாறன் வெளிநாட்டு மற்றும் உள்நாட்டு படங்களை ஆராய்ச்சி செய்து, தன்னுடைய திரைப்படங்களில் முக்கிய காட்சிகளாக வைத்து பிழைக்கும் "டாக்டர்" என கிண்டல் அடித்திருப்பது பரபரப்பை ஏற்படுத்தியுள்ளது.
அட்லீயின் படம் எப்போதெல்லாம் ரிலீஸ் ஆகிறதோ, அப்போதெல்லாம் இது எந்த படத்தின் காப்பி என்பது தான் ரசிகர்கள் ஆராய்ச்சி செய்வார்கள். மணிரத்னம் இயக்கிய மௌனராகம் படத்தை உல்டா செய்து ராஜா ராணி என்ற படத்தை இயக்கிய அட்லி, அதன் பின் விஜயகாந்த் நடித்த சத்ரியன் படத்தை அடிப்படையாக கொண்டு தெறி படத்தை உருவாக்கினார். பின்னர், கமல்ஹாசனின் அபூர்வ சகோதரர்கள் படத்தை மாற்றி மெர்சல் படத்தை எடுத்தார். ஷாருக்கானின் சக் தே
படத்தை பிகில் என்று மாற்றியுள்ளார்.
அட்லீயை "காப்பி இயக்குனர்" என்று சமூக வலைதளங்களில் தொடர்ந்து கிண்டல் செய்து வரும் நிலையில், தற்போது அவர் அல்லு அர்ஜுன் நடிக்கவுள்ள ஒரு புதிய படத்தை இயக்க இருக்கிறார். இந்த நிலையில் தான் சத்தியபாமா பல்கலைக்கழகம், அவருக்கு ஜூன் 14ஆம் தேதி டாக்டர் பட்டம் வழங்க இருக்கிறது.
இதுகுறித்து ப்ளூ சட்டை மாறன் தனது எக்ஸ் பக்கத்தில், "வெளிநாட்டு மற்றும் உள்நாட்டு திரைப்படங்களில் முக்கியமான காட்சிகளை ஆராய்ச்சி செய்து, தன் படங்களுக்கு சிகிச்சை தந்து பிழைக்க வைத்த டாக்டர்" எனக் கிண்டலுடன் பதிவு செய்துள்ளார்.
