சிவகார்த்திகேயனை தமிழ் சினிமாவில் ஒரு நட்சத்திர நடிகராக்கியதில் தனுஷின் பங்கு மிக முக்கியமானது. அவரை வைத்து எதிர் நீச்சல் மற்றும் காக்கி சட்டை ஆகிய படங்களை தயாரித்தார். அந்த இரு படங்களும் பெரிய அளவில் வெற்றி பெற்றன. ஆனால் அதன் பின்னர் இருவருக்கும் எழுந்த கருத்து வேறுபாடு காரணமாக பிரிந்து தங்கள் பாதையை வகுத்துக் கொண்டனர்.
இதனால் ஒரே மேடையில் கூட சமீபகாலமாக அவர்கள் தோன்றுவதில்லை. இந்நிலையில் ஒரே தயாரிப்பாளருக்கு இருவரும் ஒரே நேரத்தில் படம் நடிக்க ஒப்பந்தம் ஆகியுள்ளனர். தனுஷ் சேகர் கம்முலா இயக்கத்தில் நடிக்கும் படத்தையும் சிவகார்த்திகேயன் அனுதீப் இயக்கத்தில் நடிக்கும் புதுப்படத்தையும் ஒரே தயாரிப்பாளர்தான் தயாரிக்க உள்ளாராம்.
