சூப்பர் ஸ்டார் ரஜினிகாந்த் நடிப்பில் ’கண்ணும் கண்ணும் கொள்ளையடித்தால்’ படத்தின் இயக்குனர் தேசிங்கு பெரியசாமி இயக்கத்தில் ஒரு படம் உருவாகிறது என செய்திகள் வெளியானது. இந்த படத்தின் பேச்சு வார்த்தை நடந்து கொண்டிருந்தபோது திடீரென ஒரு சில காரணங்களால் இந்த படம் கைவிடப்பட்டதாக செய்திகள் வெளியானது. இந்த நிலையில் ரஜினிக்கு கூறிய கதையை இயக்குனர் தேசிங்கு பெரியசாமி சிம்புவுடன் கூறியதாகவும் அதற்கு அவர் நடிக்க ஒப்புக்கொண்டதாகவும் கூறப்படுகிறது. இந்த படம் குறித்த அறிவிப்பு விரைவில் வெளியாகும் என்றும் இந்த படத்தை ஏஜிஎஸ் நிறுவனம் தயாரிக்க அதிக வாய்ப்பு இருப்பதாகவும் கூறப்படுகிறது.
